Lady Gaga pritet të performojë në skenën e Çmimeve Grammy, të dielën më 1 shkurt, në kuadër të edicionit të 68-të të ceremonisë më prestigjioze të industrisë muzikore.
Ylli i pop-it është nominuar për shtatë çmime Grammy këtë vit.
Konkretisht, ajo garon për:
• Regjistrimi i vitit (“Abracadabra”),
• Albumi i vitit (MAYHEM),
• Kënga e vitit (“Abracadabra”),
• Interpretimi më i mirë pop solo (“Disease”),
• Albumi më i mirë vokal pop (MAYHEM),
• Regjistrimi më i mirë dance pop (“Abracadabra”),
• Albumi më i mirë tradicional vokal pop (Harlequin).
Lady Gaga ka qenë e pranishme në ceremonitë Grammy ndër vite.
Performanca e saj më e fundit ishte në ceremoninë e 67-të, ku interpretoi këngën “California Dreamin’” së bashku me Bruno Mars, në një homazh për viktimat e zjarreve shkatërruese në Los Angeles.
Ndër artistët e tjerë që tashmë janë konfirmuar se do të performojnë në ceremoninë e 68-të të Grammy janë: Addison Rae, Alex Warren, Andrew Watt, Brandi Clark, Chad Smith, Clipse, Duff McKagan, Justin Bieber, Leon Thomas, Lola Young, Lukas Nelson, Ms. Lauryn Hill, Olivia Dean, Pharrell Williams, Post Malone, Reba McEntire dhe Sabrina Carpenter.
