Një nga emrat më të rinj që ka tërhequr vëmendjen së fundmi në rrjet, Bora Faria, rezulton të jetë një projekt i krijuar tërësisht me Inteligjencë Artificiale.
Influenceri Anaid Kaloti fillimisht e ndau në InstaStory këngën “Jam e Lirë”, duke e vlerësuar pozitivisht projektin muzikor. Ai u shpreh me nota të larta për elementët kryesorë të këngës:
“#orkestrimi 9-10, #teksti 10/10, #vibe 100/100”, duke shtuar edhe hashtag-ët #supporting #newartist #inscene.
Pas këtij vlerësimi, Bora Faria i është përgjigjur Kalotit në një mesazh privat, ku konfirmon se projekti është i krijuar plotësisht me inteligjencë artificiale. Ky sqarim u nda më pas nga Kaloti me ndjekësit e tij, duke shoqëruar postimin me një reagim të sinqertë habie.
Rasti ka rikthyer në vëmendje diskutimin mbi rolin e Inteligjencës Artificiale në muzikë, duke ngritur pyetje mbi kufijtë mes krijimtarisë njerëzore dhe asaj të gjeneruar nga teknologjia. A po shohim një formë të re arti apo një sfidë për industrinë tradicionale? Debati mbetet i hapur.
P.S Edhe kjo foto eshte realizuar me AI
