Një situatë që ka ngjallur diskutime në rrjet ka tërhequr vëmendjen e publikut këto ditë. Gjatë premierës së filmit “Kazemra”, ekipi i Andale i drejtoi një pyetje Monika Kryemadhit, duke e pyetur nëse ajo do të ishte pjesë e Big Brother VIP Albania këtë vit.
Pyetja u duk në atë moment si një kuriozitet i zakonshëm mediatik. Por vetëm pak kohë më pas, mbrëmjen e kaluar, Monika Kryemadhi u shfaq në ekranin e Top Channel pikërisht si opinioniste në Big Brother VIP Albania, duke ngritur pikëpyetje mbi mënyrën se si Andale ishte në dijeni paraprake të këtij zhvillimi.
Kjo ka shtuar dyshimet dhe diskutimet në rrjetet sociale:
A ishte pyetja e Andale rastësore, apo një sinjal i hershëm për një vendim tashmë të marrë?
Dhe mbi të gjitha, a funksionon Andale si një zgjatim informal i Top Channel, duke pasur akses paraprak në informacionet e formatit?
Deri tani nuk ka asnjë reagim zyrtar nga Andale apo Top Channel lidhur me këto spekulime, por rasti ka mjaftuar për të ndezur debat mbi transparencën, koordinimin mediatik dhe rolin e portaleve pranë formateve televizive më të ndjekura në vend.
