Para disa ditësh, në disa media kryesisht gjobëvënëse, qarkulluan disa pretendime të pabazuara dhe të paverifikuara në lidhje me SHET Influencers Media Industry shpk. Për hir të transparencës dhe respektit ndaj partnerëve tanë, sqarojmë publikisht se këto deklarime nuk përputhen me realitetin e aktivitetit tonë.
SHET është një kompani e regjistruar dhe funksionon në përputhje të plotë me legjislacionin shqiptar. Çdo bashkëpunim me bizneset realizohet me kontratë, çdo pagesë kalon nëpërmjet sistemit bankar dhe çdo shërbim është i faturuar dhe i deklaruar sipas rregullave fiskale. Të dhënat financiare të depozituara janë publike dhe lehtësisht të verifikueshme nga çdo institucion shtetëror apo palë e interesuar.
Transparenca nuk është slogan për ne, është mënyra si kemi ndërtuar besimin me dhjetëra biznese dhe qindra krijues përmbajtjeje në Shqipëri.
Më poshtë gjeni reagimin e CEO-s së kompanisë, Anaid Kaloti, i cili u publikua fillimisht në profilin e tij në Instagram dhe më pas u kufizua pas raportimeve të shumta. Në vijim po publikojmë të plotë reagimin e tij lidhur me këtë akuzë dhe sulm të pabazë.
