Autoritetet kishtare dhe institucionet shtetërore në Itali kanë nisur hetime pas pretendimeve se fytyra e kryeministres Giorgia Meloni është përfshirë në figurën e një engjëlli gjatë restaurimit të një afresku në Romë.
Ministria Italiane e Kulturës ka dërguar inspektorë për të verifikuar veprat artistike në një kapelë të Bazilikës së Shën Lorencit në Lucina. Ndërkohë, Dioqeza e Romës ka shprehur zhgënjim dhe ka deklaruar se do të identifikojë personat përgjegjës për këtë ndërhyrje, sipas BBC.
Artisti Bruno Valentinetti ka sqaruar se ka restauruar vetëm afreskun e realizuar prej tij në vitin 2000, duke mohuar se e ka modeluar engjëllin sipas pamjes së kryeministres.
Ngjashmëria u raportua fillimisht nga gazeta “La Repubblica”, e cila publikoi fotografi para dhe pas restaurimit, duke theksuar se më herët engjëlli paraqitej si një “kerubin i zakonshëm”.
Sipas priftit të famullisë, pikturat janë riparuar vetëm për shkak të dëmtimeve nga uji, ndërsa ai shtoi se nuk e kupton arsyen e bujës së krijuar.
Valentinetti, 83 vjeç, i ka hedhur poshtë akuzat, duke deklaruar se “fytyra e restauruar është e njëjtë me atë të pikturuar 25 vite më parë”, sipas agjencisë AGI.
