Pas vapës thuajse përvëluese edhe pse zyrtarisht jemi në vjeshtë, këtë të hënë moti ka bërë një kthesë të menjëhershme.
Disa qytete janë përfshirë nga moti i keq, erëra të forta, shira të rrëmbyeshëm e breshër intensiv. Në videon më poshtë qyteti i Elbasanit është ‘pushtuar’ papritur nga breshëri duke shkaktuar kaos kryesisht në rrugët e kalimit. Një pemë është rrëzuar nga erërat e forta, ku si pasojë ka bllokuar edhe një autobus.
Kujtojmë që reshjet kanë sjellë shumë probleme dhe në shumë qytete të tjera. Në Pogradec, breshëri bllokoi pusetat. Në rrugën e Arbrit, si shkak i reshjeve ka pasur rrëshqitje dherash duke u bërë problem për mjetet e qarkullimit.
