Pas suksesit të vitit të kaluar dhe jehonës që kënga “Zjerm” pati në Shqipëri dhe në skena europiane, Shkodra Elektronike nuk planifikon të rikthehet në garë në “Festivalin e Këngës”.
Në një intervistë për Fatos Sulon, autori i programit “Uëtëfë Show” në Andale Media, Beatriçe Gjergji u shpreh se vendimi për të mos konkurruar sërish është i qëllimshëm.
“Jo, nuk e mendojmë këtë gjë, sepse është shumë bukur t’u lëmë vend të tjerëve,” – u shpreh ajo.
Artistja shtoi se ajo që ndodhi vitin e kaluar, duke iu referuar suksesit të jashtëzakonshëm të “Zjerm”, i ka lënë të surprizuar dhe njëkohësisht kureshtarë për çfarë do të vijë në vitet në vazhdim.
“Kam shumë qejf të shoh çfarë dëshiron të bëjë rinia dhe si do të vazhdojë kultura muzikore shqiptare,” – tha Beatriçe, duke theksuar rëndësinë e hapësirës për zëra të rinj dhe ide të freskëta.
View this post on Instagram
Shkodra Elektronike përfaqësoi Shqipërinë në Basel, Zvicër, ku u rendit në Top 10, duke zënë vendin e tetë – një arritje që konfirmoi ndikimin dhe identitetin e tyre unik në skenën muzikore europiane.
