{"id":2128,"date":"2026-01-20T11:54:56","date_gmt":"2026-01-20T11:54:56","guid":{"rendered":"https:\/\/shetshqip.com\/?p=2128"},"modified":"2026-01-20T11:54:56","modified_gmt":"2026-01-20T11:54:56","slug":"rama-pranon-ftesen-e-trump-per-bordin-e-paqes-se-shpejti-i-percillet-kuvendit-per-miratim","status":"publish","type":"post","link":"https:\/\/shetshqip.com\/?p=2128","title":{"rendered":"Rama pranon ftes\u00ebn e Trump p\u00ebr Bordin e Paqes: S\u00eb shpejti i p\u00ebrcillet Kuvendit p\u00ebr miratim"},"content":{"rendered":"

Kryeministri Edi Rama i ka kthyer p\u00ebrgjigje Presidentit t\u00eb SHBA-ve, Donald Trump, pas ftes\u00ebs s\u00eb k\u00ebtij t\u00eb fundit q\u00eb Shqip\u00ebria t\u00eb marr\u00eb pjes\u00eb n\u00eb Bordin e Paqes. N\u00eb nj\u00eb postim n\u00eb rrjetet sociale ku ka shp\u00ebrndar\u00eb edhe letr\u00ebn e plot\u00eb, Rama shkruan se ky angazhim i Shqip\u00ebris\u00eb p\u00ebr t\u00eb qen\u00eb pjes\u00eb e Bordit do t\u2019i p\u00ebrcillet s\u00eb shpejti Kuvendit p\u00ebr miratim.<\/p>\n

\u201cSot i p\u00ebrcolla Presidentit Donald J. Trump p\u00ebrgjigjen e ftes\u00ebs s\u00eb tij p\u00ebr t\u00eb marr\u00eb pjes\u00eb n\u00eb Bordin e Paqes. S\u00eb shpejti angazhimi yn\u00eb do t\u2019i p\u00ebrcillet Kuvendit t\u00eb Shqip\u00ebris\u00eb p\u00ebr miratim\u201d,<\/em>\u00a0tha Rama.<\/p>\n

\n
\n
<\/div>\n<\/div>\n<\/div>\n

N\u00eb letr\u00ebn e tij, Rama vler\u00ebson angazhimin e Trump p\u00ebr themelimin e Bordit t\u00eb Paqes dhe fal\u00ebnderimin p\u00ebr t\u00eb ftuar at\u00eb personalisht p\u00ebr t\u00eb qen\u00eb pjes\u00eb e tij dhe Shqip\u00ebrin\u00eb si an\u00ebtare themeluese.<\/p>\n

\u201cN\u00eb nj\u00eb koh\u00eb kur konfliktet dhe p\u00ebr\u00e7arja dominojn\u00eb shum\u00eb shpesh panoram\u00ebn nd\u00ebrkomb\u00ebtare, paqja duhet t\u00eb form\u00ebsohet aktivisht e jo t\u00eb pritet pasivisht a diskutohet pafund\u00ebsisht n\u00ebp\u00ebr forume politike, teksa p\u00ebrreth globit jet\u00eb t\u00eb pafajshme humbasin kot\u00ebsisht \u00e7do minut\u00eb. Bordi i Paqes shfaqet si mish\u00ebrimi i k\u00ebsaj domosdoshm\u00ebrie urgjente\u201d,<\/em>\u00a0shkruan Rama.<\/p>\n

Ai shpreh gatishm\u00ebrin\u00eb e plot\u00eb p\u00ebr t\u00eb kontribuar n\u00eb k\u00ebt\u00eb p\u00ebrpjekje.<\/p>\n

\u201cPrandaj, \u00ebsht\u00eb nj\u00ebkoh\u00ebsisht privilegj dhe nder t\u00eb shpreh gatishm\u00ebrin\u00eb time t\u00eb plot\u00eb p\u00ebr t\u00eb kontribuar n\u00eb k\u00ebt\u00eb p\u00ebrpjekje t\u00eb r\u00ebnd\u00ebsishme dhe p\u00ebr t\u2019u b\u00ebr\u00eb t\u00ebr\u00ebsisht pjes\u00eb e nj\u00eb angazhimi t\u00eb p\u00ebrbashk\u00ebt q\u00eb synon ta p\u00ebrkthej\u00eb vizionin n\u00eb veprim. Republika e Shqip\u00ebris\u00eb ka qen\u00eb prej koh\u00ebsh nj\u00eb aleate e pal\u00ebkundur e Shteteve t\u00eb Bashkuara t\u00eb Amerik\u00ebs, e lidhur nga vlera t\u00eb p\u00ebrbashk\u00ebta, respekt i nd\u00ebrsjell\u00eb dhe nj\u00eb p\u00ebrkushtim i p\u00ebrbashk\u00ebt ndaj liris\u00eb, demokracis\u00eb dhe siguris\u00eb nd\u00ebrkomb\u00ebtare\u201d,<\/em>\u00a0shkruan nd\u00ebr t\u00eb tjera Rama.<\/p>\n

\n

Letra e plot\u00eb<\/strong><\/p>\n

Republika e Shqip\u00ebris\u00eb<\/em><\/p>\n

Kryeministri<\/em><\/p>\n

Tiran\u00eb, 19 janar 2026<\/em><\/p>\n

Shk\u00eblqesis\u00eb s\u00eb Tij Z. Donald J. Trump<\/em><\/p>\n

President i Shteteve t\u00eb Bashkuara t\u00eb Amerik\u00ebs<\/em><\/p>\n

Washington, DC<\/em><\/p>\n

I nderuar Zoti President,<\/em><\/p>\n

Po ju shkruaj p\u00ebr t\u00eb shprehur vler\u00ebsimin tim m\u00eb t\u00eb thell\u00eb p\u00ebr angazhimin tuaj t\u00eb fort\u00eb dhe udh\u00ebheqjen vizionare n\u00eb themelimin e Bordit t\u00eb Paqes, si edhe p\u00ebr t\u2019ju fal\u00ebnderuar sinqerisht p\u00ebr ftes\u00ebn q\u00eb m\u00eb keni drejtuar personalisht p\u00ebr t\u00eb qen\u00eb pjes\u00eb e tij, si edhe p\u00ebr ftes\u00ebn drejtuar vendit tim, Republik\u00ebs s\u00eb Shqip\u00ebris\u00eb, p\u00ebr t\u00eb sh\u00ebrbyer si an\u00ebtare themeluese.<\/em><\/p>\n

N\u00eb nj\u00eb koh\u00eb kur konfliktet dhe p\u00ebr\u00e7arja dominojn\u00eb shum\u00eb shpesh panoram\u00ebn nd\u00ebrkomb\u00ebtare, paqja duhet t\u00eb form\u00ebsohet aktivisht e jo t\u00eb pritet pasivisht a diskutohet pafund\u00ebsisht n\u00ebp\u00ebr forume politike, teksa p\u00ebrreth globit jet\u00eb t\u00eb pafajshme humbasin kot\u00ebsisht \u00e7do minut\u00eb. Bordi i Paqes shfaqet si mish\u00ebrimi i k\u00ebsaj domosdoshm\u00ebrie urgjente.<\/em><\/p>\n

Duke trajtuar nj\u00ebkoh\u00ebsisht pasojat e menj\u00ebhershme t\u00eb konflikteve dhe shkaqet m\u00eb t\u00eb thella strukturore q\u00eb e prodhojn\u00eb paq\u00ebndrueshm\u00ebrin\u00eb, kjo nism\u00eb ka potencialin t\u00eb shnd\u00ebrrohet n\u00eb nj\u00eb model v\u00ebrtet\u00eb transformues t\u00eb nd\u00ebrtimit t\u00eb paqes n\u00eb nivel global.<\/em><\/p>\n

Duket qart\u00eb se p\u00ebr t\u00eb qen\u00eb nj\u00eb organizat\u00eb e re nd\u00ebrkomb\u00ebtare, Bordi i Paqes nuk \u00ebsht\u00eb konceptuar si nj\u00eb forum tjet\u00ebr deklaratash, procedurash dhe p\u00ebrgjegj\u00ebsish t\u00eb shtyra n\u00eb koh\u00eb, por si nj\u00eb instrument i p\u00ebrqendruar dhe q\u00ebllimplot\u00eb i udh\u00ebheqjes dhe p\u00ebrgjegj\u00ebsis\u00eb globale.<\/em><\/p>\n

Kur filtrohet pafund\u00ebsisht p\u00ebrmes shtresave t\u00eb procedurave, paqja shum\u00eb shpesh mb\u00ebrrin tep\u00ebr von\u00eb; kjo nism\u00eb mish\u00ebron me plot t\u00eb drejt\u00eb kuptimin se koha, qart\u00ebsia e mandatit dhe p\u00ebrgjegj\u00ebsia personale n\u00eb nivelin m\u00eb t\u00eb lart\u00eb jan\u00eb vet\u00eb instrumente t\u00eb paqes.<\/em><\/p>\n

Prandaj, \u00ebsht\u00eb nj\u00ebkoh\u00ebsisht privilegj dhe nder t\u00eb shpreh gatishm\u00ebrin\u00eb time t\u00eb plot\u00eb p\u00ebr t\u00eb kontribuar n\u00eb k\u00ebt\u00eb p\u00ebrpjekje t\u00eb r\u00ebnd\u00ebsishme dhe p\u00ebr t\u2019u b\u00ebr\u00eb t\u00ebr\u00ebsisht pjes\u00eb e nj\u00eb angazhimi t\u00eb p\u00ebrbashk\u00ebt q\u00eb synon ta p\u00ebrkthej\u00eb vizionin n\u00eb veprim.<\/em><\/p>\n

Republika e Shqip\u00ebris\u00eb ka qen\u00eb prej koh\u00ebsh nj\u00eb aleate e pal\u00ebkundur e Shteteve t\u00eb Bashkuara t\u00eb Amerik\u00ebs, e lidhur nga vlera t\u00eb p\u00ebrbashk\u00ebta, respekt i nd\u00ebrsjell\u00eb dhe nj\u00eb p\u00ebrkushtim i p\u00ebrbashk\u00ebt ndaj liris\u00eb, demokracis\u00eb dhe siguris\u00eb nd\u00ebrkomb\u00ebtare.<\/em><\/p>\n

Populli shqiptar do ta kujtoj\u00eb gjithmon\u00eb dhe do ta \u00e7moj\u00eb vazhdimisht rolin parimor dhe vendimtar t\u00eb Shteteve t\u00eb Bashkuara t\u00eb Amerik\u00ebs, drejt vendosjes s\u00eb paqes dhe stabilitetit n\u00eb rajonin ton\u00eb n\u00eb momente kritike t\u00eb historis\u00eb son\u00eb t\u00eb p\u00ebrbashk\u00ebt. N\u00eb k\u00ebt\u00eb frym\u00eb t\u00eb q\u00ebndrueshme partneriteti, d\u00ebshiroj t\u00eb ritheksoj se Republika e Shqip\u00ebris\u00eb q\u00ebndron me vendosm\u00ebri p\u00ebrkrah Shteteve t\u00eb Bashkuara t\u00eb Amerik\u00ebs, n\u00eb t\u00eb gjitha p\u00ebrpjekjet p\u00ebr promovimin e paqes, siguris\u00eb dhe angazhimit konstruktiv global.<\/em><\/p>\n

Duke pritur me interes t\u00eb kontribuoj n\u00eb suksesin e misionit t\u00eb Bordit t\u00eb Paqes, ju lutem pranoni, Zoti President dhe Kryetar i Bordit, shprehjen e konsiderat\u00ebs sime m\u00eb t\u00eb lart\u00eb.<\/em><\/p>\n

Me respekt, Edi Rama<\/em><\/p>\n