Historia e këtij brendi nis në vitin 2022, jo si një plan biznesi, por si një moment instinkti krijues. Gjithçka filloi me një palë syze dielli, të dizajnuara nga Patrik Tola ekskluzivisht për artistin Cllevio. Që në krijimin e parë, ato nuk mbartnin vetëm dizajn, por edhe qëndrim, identitet dhe vizion – elemente që u ndjenë menjëherë.
Modeli u pagëzua 44 Cazino dhe u prezantua në ngjyrën tashmë ikonike “Dirty Money”. I guximshëm, i mprehtë dhe pa kompromis. Linjat agresive dhe prerjet precize reflektonin autoritet dhe vetëbesim – një aksesor që nuk kërkonte vëmendje, por e impononte atë. Ai përputhej në mënyrë perfekte me personalitetin e Cllevios dhe, sapo u shfaq, pati një rezonancë të fortë me publikun. Modeli u kthye në bestseller dhe vazhdoi të kërkohej edhe shumë kohë pas lançimit, duke u konsoliduar si një “statement piece”.
Ajo që nisi si një dizajn i vetëm, shumë shpejt u shndërrua në një ëndërr të përbashkët. Pas kuintave, bisedat vazhduan, idetë u shkëmbyen dhe vizionet u përputhën. Dy artistë, nga disiplina të ndryshme, por të bashkuar nga e njëjta uri krijuese, e kuptuan se ky ishte vetëm fillimi.
Në verën e vitit 2025, ky vizion i ndërtuar me kohë mori më në fund formë konkrete. Bashkëpunimi nuk ishte më thjesht një ide, por u kthye në realitet.
Së bashku, ata i dhanë jetë një projekti të ndërtuar mbi besim, art dhe bindjen se syzet mund të jenë më shumë se një aksesor – mund të jenë identitet, fuqi dhe shprehje.
Në kuadër të këtij bashkëpunimi, linja e syzeve përfshin tre modele kryesore që mbajnë emra simbolikë: Dostojevski, Tolstoi dhe Rembrand. Zgjedhja e këtyre emrave nuk është rastësore, pasi janë artistë dhe figura kulturore që Cllevio i ka përmendur edhe në tekstet e këngëve të tij, si referenca të thella ndaj mendimit, artit dhe kontrasteve njerëzore.
Të tre modelet janë konceptuar si unisex, duke thyer kufijtë klasikë gjinorë në dizajn dhe duke reflektuar filozofinë e brandit për liri shprehjeje, identitet të fortë dhe stil pa etiketa. Linjat, format dhe detajet e tyre mishërojnë bashkimin mes estetikës artistike dhe qëndrimit rebel që karakterizon si Cllevion, ashtu edhe vizionin dizajnerik të Patrik Tolës.
Cllevio Serbiano, i lindur në vitin 1986 në Lushnjë, është reper, këngëtar, autor këngësh dhe personalitet digjital. I rritur mes Shqipërisë dhe Bronksit në Nju Jork, ai është bërë pjesë e skenës shqiptaro-amerikane të repit, me një stil të drejtpërdrejtë, autobiografik dhe pa filtra. Aktiv në muzikë që prej vitit 2006, Cllevio ka ndërtuar një identitet artistik të fortë përmes këngëve si “44 Psikopat”, “Iku Buzza”, “44 Sacrifica”, “Paridi”, “Ironi Kirurgu” dhe “Shën Valentini 44”, duke reflektuar një rrugëtim të mbushur me sfida, reflektim dhe ringritje. I njohur për prezencën e tij të sinqertë dhe shpesh kontroverse, ai ka krijuar një lidhje të drejtpërdrejtë me publikun edhe përmes rrjeteve sociale, veçanërisht TikTok-ut.
Nga ana tjetër, Patrik Tola, i lindur në vitin 1994 në Korçë, është dizajner syzesh me një trashëgimi të thellë familjare në botën e modës. Frymëzimi i tij nis nga gjyshja, e cila gjatë periudhës së komunizmit punonte si stiliste dhe rrobaqepëse për elitën e kohës, duke krijuar veshje dhe kostume për personalitetet më të njohura. I udhëhequr nga kjo trashëgimi, Patriku ka ndjekur me përkushtim rrugën e artit dhe dizajnit. Ai ka studiuar piano për tetë vite në Liceun Artistik “Tefta Tashko Koço”, si dhe dizajn tekstili për tre vite, përpara se në vitin 2014 të fokusohej në fushën optike, ku u specializua në laborator optik dhe marketing. Në vitin 2021, ai themeloi kompaninë e tij të parë në Tiranë, një laborator optik i dedikuar cilësisë dhe inovacionit, ndërsa paralelisht vazhdoi të krijojë modele syzesh me identitet të fortë artistik dhe teknik.
Ky bashkëpunim nuk është thjesht një brand syzesh. Është një histori e ndërtuar mbi instinkt, pasion dhe vendime të guximshme. Një rrëfim ku arti, muzika dhe dizajni bashkohen për të krijuar diçka që flet me zë të lartë.
Më poshtë gjeni disa foto ekskluzive të modeleve të syzeve, të cilat do të publikohen sot në orën 19:00.
